Lista e Shqipërisë: “Me pak gola” në Evropian

Nga 27 futbollistët e grumbulluar nga Silvinjo, janë shënuar 35 gola në të gjithë karrierën e tyre me ekipin kombëtar

Kombëtarja shqiptare e futbollit do të marrë pjesë në Euro 2024 me një listë ku nuk kanë munguar befasitë, e sidomos ka rënë në sy mungesa e emrave të zakonshëm në sulmin kuqezi në vitet e fundit si Sokol Cikalleshi e Myrto Uzuni.

Në total, nga 27 futbollistët e grumbulluar nga Silvinjo, janë shënuar 35 gola në të gjithë karrierën e tyre me ekipin kombëtar.

Një shifër jo edhe aq e lartë po të marrësh në konsideratë faktin se asnjë nga emrat në listë nuk e kanë arritur as numrin 10 të golave më kombëtaren, transmeton albinfo.ch.

Golashënuesi më i mirë i kësaj liste është Rei Manaj me 7 gola, i ndjekur nga Armando Broja me vetëm katër gola të shënuar.

Bajrami, Asani dhe Seferi me nga 3 gola ndjekin në këtë listë.

Hysaj, Laçi, Asllani, Muçi dhe Ismajli kanë shënuar secili nga 2 gola me fanellën kuqezi.

Në kuotën e 1 goli me Kombëtaren janë Daku, Abrashi, Ajeti, Ramadani dhe Gjimshiti.

---