Londër: Filmi “Sofra e varrit” fiton çmimin kryesor

Festivali ndërkombëtar i filmit në Londër

Çmimi i madh nga Festivali Ndërkombëtar i Filmit në Londër LINK INTERNATIONAL FILM FESTIVAL, ku filmi SOFRA E VARRIT ( THE TABLE OF GRAVE) me skenar të Mentor Zymberajt dhe me regji të Mirak Zymberajt fiton çmimin kryesor të festivalit – THE BEST EAST EUROPE SHORT FILM, në një konkurrencë të madhe ndërkombëtare, shkruan albinfo.ch.

Ky sukses u arritë menjëherë pas tri çmimeve kryesore në Festivalin Ndërkombëtar të Filmit “Hyjnesha në fron”, ku filmi SOFRA E VARRIT fiton Çmimin- Filmi më i mirë i Festivalit.

Çmimin- Aktori më i mirë i Festivalit- Mentor Zymberaj

Çmimin- Fotografia më e mirë e Filmit – Bujar Zeqiri.

Deri më tani filmi vetëm gjatë këtij viti mori pjesë në 25 festivale ndërkombëtare të filmit anekënd botës, duke u nominuar dhe fituar shumë çmime të rëndësishme për filmin, po njëherësh edhe për filmin kosovar dhe atë gjithëshqiptar.

Filmi trajton heroizmin, sakrficën e popullit shqiptar gjatë luftës në Kosovë, duke u mbrojtur dhe duke luftuar për njëri-tjetrin ndaj një krimi të paparë të apartheidit të regjimit serb mbi popullatën shqiptare në Kosovë në vitin 1999.

Historia duhet të shënohet, të mos harrohet dhe të mos përsëritet!

Ky film flet për një popull të lashtë, fisnik, të papërkulur, krenar dhe që di të bëjë sakrifica të larta për më të shenjtën e vlerave të tij.

Andsj është edhe një sukses i madh i filmit, i cili pasqyron dhe prezenton këto vlera, po njëherësh edhe shumë plagë të rënda të popullit!

 

---