Macron: Nuk mund ta strehojmë gjithë botën në Francë

Franca është një nga shtetet që ka pranuar më së shumti emigrantë. Kjo ka bërë që presidenti francez, Emmanuel Macron, të reagojë në kohët e fundit, duke ashpërsuar tonin mbi emigracionin. Ai është shprehur se Franca nuk mund të strehojë gjithë botën.

“Për të vazhduar që t’i presim emigrantët në mënyrë sa më të denjë, nuk duhet të tregohemi një vend tepër tërheqës”, tha ai.

Kjo deklaratë erdhi pasi presidenti francez bëri apel për të qenë njerëzorë dhe efikas, për të dalë nga disa pozicione të izoluara midis ndërgjegjes së mirë dhe rreptësisë së rreme, ka përfunduar ai.