Macroni e Scholzi duan takim me Kurtin e Vuçiqin

Presidenti i Francës, Emmanuel Macron dhe kancelari gjerman, Olaf Scholz, duan një takim me kryeministrin e Kosovës, Albin Kurti dhe me presidentin e Serbisë, Aleksandar Vuçiq, këtë javë, përcjell albinfo.ch.

Macron ka bërë të ditur në një konferencë për media nga Bratisllava të mërkurën se ai shpreson që bashkë me Scholzin të takohen me Kurtin e Vuçiqin në Samitin e ECP në Kishinau të Moldavisë këtë javë.

Kurti sot në kryeqytetin sllovak u takua me përfaqësuesin e Lartë të BE-së, Josep Borrell dhe emisarin Miroslav Lajçak, të cilëve iu bëri të ditur se për ta qetësuar situatën në veri duhen larguar së pari protestuesit e dhunshëm.