Marsh në Gjakovë pas vrasjes së gruas dhe vajzës

Neglizhenca e policisë për t’i ofruar mbrojtje Valbona Marku Ndrecajt e cila u vra së bashku me vajzën e saj nga burri i saj bëri që në në Gjakovë të marshohet nën slloganet #BollMo #Ajamunënëradhë.

Gjatë ditës së sotme pati marsh protestues në Gjakovë pas vrasjes e cila ndodhi të martën mbrëma, ku burri dyshohet të këtë privuat nga jeta gruan dhe vajzën e tij.

Në marsh morën pjesë shumë qytetarë nga Gjakova dhe vende të tjera, në mesin e tyre ishin edhe ish-Presidentja e Kosovës, Atifete Jahjaga, ish- Kryetarja e Gjakovës, Mimoza Kusari-Lila.

Në krye të marshit u vendos familja e Valbona Markut e cila së bashku me vajzën e saj u vranë nga burri.

Policia gjatë ditës së sotme në një kinferencë për media tha se Valbona kishte paralajmëruar se ka marrë kërcënime nga bashkëshorti, pesë orë para se të vritej nga një breshri plumbash të kallashnikovës.

Policia gjithashtu ka treguar se janë ndërrmarë veprime dhe i dyshuari është kërkuar në shumë lokacione por nuk kishin arritur ta kapnin, deri sa i dyshuari kishte kryer vrasjen dhe ishte dorëzuar në Polici.

Vëllai i Valbonës deklaroi sot se “shteti nuk arriti ta mbrojë motrën time”.

Për vrasjen në Gjakovë ka pasur reagime të shumta nga krerë të institucioneve e shoqëri civile.