Mbi 41 mijë dollarë mblidhen në New York për fondacionin AMC 

Organizatorët thonë se fondet e mbledhura, mbi 41 mijë dollarë do të bëjnë një ndryshim domethënës në jetët e nënave dhe foshnjave në Kosovë

Fondacioni ‘Aksioni për Nëna dhe Fëmijë’ (AMC) nga Prishtina ka mbajtur  mbrëmjen e tij të dytë bamirëse në Shtetet e Bashkuara të Amerikës, në Yale Club, New York City.

Shumë mbështetës dhe dashamirë të punës së AMC-së u mblodhën për ta bërë këtë mbrëmje një sukses. Mbi 70 mysafirë nga biznesi, kultura, politika dhe artet kanë marrë pjesë në këtë ngjarje.

Pjesë e organizimit të ngjarjes ishte edhe një ankand i cili përfshinte një fustan nga Besë Rugova, një çantë nga Agnesa Vuthaj, bizhuteri nga Sara Shala, pjata graniti të punuara nga Dhe by Granita, bizhuteri nga Anita Berisha, një foto session nga Fadil Berisha, qëndrim 4-ditor në villën e Valon Xharra-së në Kaliforni, shërbime të formësimit të vetullave nga Sabrie Celaj, si dhe një kostum të Mbretëreshës Teutë nga Afërdita Delaj. Organizimin e kësaj mbrëmje e ka mbështetur Konsullata e Kosovës në New York.

Organizatorët thonë se fondet e mbledhura, mbi 41 mijë dollarë do të bëjnë një ndryshim domethënës në jetët e nënave dhe foshnjave në Kosovë.

---