Kosova

Mbi 52 mijë qytetarë të Kosovës kanë hyrë në Shqipëri për 24 orë

E shtunë, 29 Gusht 2026 - 19:30 albinfo.ch

Fluksi i udhëtarëve në pikën e kalimit kufitar të Morinit po vazhdon të jetë i lartë edhe në fundjavën e fundit të gushtit.

Vetëm gjatë 24 orëve të fundit në Shqipëri kanë hyrë 52 mijë e 864 shtetas dhe 13 mijë e 531 automjete, transmeton albinfo.ch. Në të njëjtën periudhë, nga vendi kanë dalë 35 mijë e 72 shtetas dhe 11 mijë e 238 automjete.

Fluksi mbetet i lartë edhe në bilancin e pesë ditëve të fundit. Nga 24 deri më 28 gusht, përmes Morinit kanë hyrë në Shqipëri 152 mijë e 694 shtetas dhe 46 mijë e 870 automjete.

Në dalje janë regjistruar 121 mijë e 846 shtetas dhe 37 mijë e 148 automjete.