Mbi 8 mijë lindje në Klinikën e Gjinekologjisë

Klinika e Gjinekologjisë ka gjithsej 286 punëtorë, prej tyre 42 specialistë dhe 49 specializantë, të cilët punojnë në reparte të ndryshme të kësaj klinike. Ndryshe, gjatë një viti kanë lindur mbi 8 mijë e 100 foshnje  

(KEYSTONE/Gaetan Bally)

Nga 1 janari i këtij viti e deri tani në Klinikën e Gjinekologjisë të Qendrës Klinike Universitare të Kosovës janë kryer 8 mijë e 115 lindje, prej tyre 4.645 me prerje cezariane. Këto të dhëna u prezantuan nga drejtoresha e kësaj klinike Myrvete Paçarada, gjatë një takimi që pati me ushtruesin e detyrës të drejtorit të përgjithshëm të Shërbimit Spitalor të Kosovës, Basri Sejdiu.

Sejdiu falënderoi drejtoreshën për punën dhe angazhimin e treguar, ndërkohë që u premtoi përkrahje dhe mbështetje të vazhdueshme për këtë klinikë dhe furnizimin me barna dhe material shpenzues e po ashtu edhe me gjëra të tjera të nevojshme për realizimin e punëve në këtë klinikë, raporton 21 media.

Ndryshe, Klinika e Gjinekologjisë ka gjithsej 286 punëtorë, prej tyre 42 specialistë dhe 49 specializantë, të cilët punojnë në reparte të ndryshme të kësaj klinike.