Mbretëria e Bashkuar futet në listën e Zvicrës, në shtetet me rrezik të lartë

Udhëtarët nga Mbretëria e Bashkuar duhet të paraqesin një test negativ të koronavirusit dhe t'i nënshtrohen një karantine pas mbërritjes në Zvicër.

Nga sot, Britania e Madhe është vendosur në listën e kombeve të Ministrisë së Shëndetësisë me një incidencë të lartë të mutacioneve të virusit.

Për këtë arsye Britania e Madhe është shtuar në listë për shkak të variantit “shqetësues” Covid-19 që qarkullon atje, sipas faqes së internetit të Zyrës Federale të Shëndetit Publik (FOPH), transmeton albinfo.ch.

Kjo do të thotë që udhëtarët nga Mbretëria e Bashkuar duhet të paraqesin një test negativ të koronavirusit dhe t’i nënshtrohen një karantine pas mbërritjes në Zvicër, edhe nëse janë plotësisht të vaksinuar. Të njëjtat rregulla zbatohen për ata që vijnë nga Brazili, Kanada, India, Nepali dhe Afrika e Jugut.

Nga 31 maj, vizitorët e vaksinuar nga vendet e tjera, ose ata që janë rikuperuar nga Covid jo më shumë se gjashtë muaj më parë, nuk do të duhet më të bëjnë testimin ose karantinën kur hyjnë në Zvicër.

 

---