Me mbi 18 vite burg dënohen 7  të akuzuarit për terrorizëm

Gjykata Themelore e Prishtinës ka dënuar 7 persona për vepra që lidhen me terrorizëm, derisa i teti është liruar nga të gjitha akuzat. 

Gjykata Themelore e Prishtinës ka dënuar 7 persona për vepra që lidhen me terrorizëm, derisa i teti është liruar nga të gjitha akuzat. Artan Kadriu është dënuar me 4 vjet burgim, me nga 3 vjet burgim janë dënuar Besim Shabani dhe Egzon Latifi, kurse Adil Bushi dhe Jetmir Bushi me nga 2 vjet e 4 muaj burgim. Bekim Halili është dënuar me 2 vjet e 8 muaj burgim për vepra terrorizmi, ndërsa 6 muaj burgim për armëmbajtje pa leje, dhe gjykata vendosi për të dënuarin në fjalë, burgim në total 3 vjet. Kujtim Bytyçi është dënuar për 8 muaj me burgim të kushtëzuar, me afat verifikimi prej 1 viti, derisa Jeton Hajdini, është liruar nga të gjitha pikat e akuzës. Vendimin  e gjykatës nuk e  ka pranuar pala mbrojtëse e cila ka paralajmëruar ankesë në Gjykatën e Apelit .