Me pasaportë të huaj, kosovarja deshi të fluturojë nga aeroporti “Adem Jashari”

Pasaporta është konfiskuar, rasti është inicuar si keqpërdorim i dokumentit

Sot, policia e Kosovës ka njoftuar se një grua ka dashur që me pasaportë të Shqipërisë, në emër të dikujt tjetër, të udhëtojë nga aeroporti “Adem Jashari”, njofton albinfo.ch.

Referuar policisë, pasaporta është konfiskuar, ndërsa me vendim të prokurorit, e dyshuara është liruar dhe rasti ka shkuar në procedurë të rregullt.

Theksohet se rasti është inicuar si keqpërdorim i dokumentit.

“ANP Adem Jashari 23.08.2022 – 16:40. Është ndaluar e dyshuara femër kosovare, pasi që ka tentuar të udhëtojë me pasaportë (Republikës së Shqipërisë) të një personi tjetër. Pasaporta është konfiskuar, ndërsa me vendim të prokurorit, e dyshuara është liruar dhe rasti shkon në procedurë të rregullt”, thuhet në raportin e policisë. /Albinfo.ch

---