Media zvicerane: Serbia dhe Kosova zgjidhin mosmarrëveshjen shumëvjeçare për targat

Media zvicerane 20minuten i ka kushtuar një artikull vendimit të Qeverisë së Kosovës për të njohur targat e Serbisë.

“Në kontestin e sovranitetit ndërmjet Serbisë dhe Kosovës, drejtuesit e automjeteve serbe që duan të hyjnë në Kosovë nuk duhet të mbulojnë më stemën kombëtare në targa. Serbia dhe Kosova e kanë zgjidhur mosmarrëveshjen e tyre të ashpër për targat: në të ardhmen, makinat serbe dhe ato kosovare do të kenë lëvizje të lirë midis kryeqyteteve Beograd dhe Prishtinë. Kryeministri i Kosovës, Albin Kurti, tha të premten në rrjetin online Facebook se qeveria e tij “ka marrë vendimin për të lejuar automjetet me targa serbe të hyjnë në vend”, shkruan 20minuten.

Media jep edhe një cilësimin që i është bërë vendimit të njëjtë nga ana e Serbisë.

“Megjithatë, përfaqësuesi i qeverisë serbe për Kosovën, Petar Petkovic, tha në fillim të javës se regjistrimi i të gjitha automjeteve ishte “një vendim krejtësisht praktik” dhe “nuk mund të interpretohet si njohje e pavarësisë së shpallur në mënyrë të njëanshme të të ashtuquajturës Kosovë”.”

Vendi 1.8 milionë banorë i Kosovës, me popullsi shumicë shqiptare, shpalli pavarësinë nga Serbia në vitin 2008. Shumë vende perëndimore e njohin Kosovën, ndërsa Serbia, Rusia dhe Kina e refuzojnë pavarësinë e saj, për këtë arsye ajo nuk mund të pranohet në Kombet e Bashkuara.

Rreth 120,000 serbë jetojnë në Kosovë dhe të dy vendet e Ballkanit synojnë të anëtarësohen në BE. BE-ja kërkon që të dyja palët të arrijnë një marrëveshje për normalizimin e marrëdhënieve. Çështja e targave ishte një nga pikat kryesore të debatit./20minuten