Mërgimtaret nga Suedia ndërtojnë shtëpi për familje skamnore

Shoqatat e ndryshme nga diaspora vazhdojnë të kontribuojnë në Kosovë, në formë të ndryshme, sidomos për familjet që kanë nevojë.

Së fundi mërgimtaret në Suedi, me anë të Shoqatës së tyre, kanë ndihmuar një familje në Lipjan, duke e bërë me shtëpi, pasi jetonte në kushte të rënda.

Kjo është realizuar në bashkëpunim me Shoqatën Humanitare “Feniks” të Ferizajt, raporton “RTV 21”.

Vepra më e re është shtëpia në Çallapek të Lipjanit, falë bamirësisë së grave mërgimtare në Suedi, përcjell albinfo.ch.

Gratë mërgimtare të kësaj shoqate njihen për ndihmat dhe kontributin e madh që kanë dhënë për vendlindje.