Mërgimtarit i thyhet vetura, i marrin 14 mijë €

Një mërgimtarit nga Gjermania, i cili erdhi për pushime në Kosovë, persona të panjohur i kanë thyer veturën e tij, me ç’rast i kanë vjedhur edhe 14 mijë euro para, si dhe dokumentet e tij personale.

Fidai Restelica rrëfeu për Info Magazine të Klan Kosovës se si dhe ku kishte ndodhur ngjarja, përcjell albinfo.ch.

“Unë vi nga fshati Pomozitin, i komunës së Fushë-Kosovës. Ishim me vëllain, erdhëm me dy punëtorë prej Frankfurtit, ata deshën ta vazhdonin rrugën për në Shqipëri, e ne u ulëm për të ngrënë bukë”.

“Kur kemi dalë, xhami i veturës ka qenë i thyer, janë vjedhë dy çanta. Shuma e parasë ka qenë 14 mijë euro, para të gatshme, më kanë vjedhë telefonin, dokumentet krejt, pajisjet krejt, dokumentet me pasaportë, me patentëshofer, me dokumente të veturës e krejt çka ka mund të kishte aty”, ka treguar ai, duke shtuar:

“Policia kanë ardhur brenda katër minutash, rasti është hap menjëherë. Dyshime kishin në një person, i cili kishte qenë i burgosur. Prokurori e ka liruar në burg shtëpiak, ata kanë shku tek shtëpia e tij s’kanë mund ta gjejnë në shtëpi dhe dyshimet më të mëdha tyre ishin tek ai person. Vetura e tyre [plaçkitësve] ishte Golf 5”.