Mësohet e ardhmja e Sadikut

Sulmuesi i Shqipërisë, Armando Sadiku është rikthyer nga lëndimi, derisa e ardhmja e tij është në Zvicër

Armando Sadiku do të jetë pjesë e Luganos për pjesën e mbetur të sezonit, raportojnë mediat shqiptare.

Sulmuesi i Kombëtares shqiptare, ka kaluar me sukës testet fizike, në praninë e mjekëve të klubit të tij, Levantes, dhe do të kalojë në formë huazimi tek ekipi zviceran deri në fund të sezonit, me të drejtën e blerjes së kartonit, përcjell albinfo.ch.

Në Spanjë, po diskutohen edhe çështjet financiare për blerjen e kartonit, për të mbyllur të gjithë operacionin.

Ky do të ishte rikthimi i tretë për Sadikun në Zvicër tek Lugano, pasi më herët ka qenë në vitet 2012-2014, si dhe në formën e huazimit nga Zurichu, në vitin 2017.

---