Mësuesi shqiptar nga Suedia që theu barrierat përmes punës dhe vendosmërisë

Shpend Rrukiqi, mësuesi magjistër që theu barrierat suedeze përmes punës dhe vendosmërisë

Mësuesi shqiptar që jeton në Suedi, Shpend Rrukiqi, flet për rrugëtimin e tij në lidhje me mësimdhënien, dijen, mërgimin, transmeton albinfo.ch.

“Unë i kam thyer barrierat dhe sfidat falë vendosmërisë dhe dëshirës për të përfaqësuar denjësisht popullin, të cilit i përkas, kam folur dhe jam prezantuar me krenari gjithmonë si shqiptar”, thotë ndër të tjera ai.

Puna dhe vendosmëria thyejnë barrierat. Ju sjellim historinë e rrugëtimit të shqiptarit nga Kosova, mësuesit Shpend Rrukiqi, i cili në Uddevalla ka qenë personi kyç i implementimit të kurrikulës së re. Ai ndan me ne mesazhe të forta e të vlefshme.

Sfidat nëpër të cilat ka kaluar dhe fitoret e arrira e kanë bërë personazhin, jo vetëm një njeri me ideale e virtyte, por profesionistin më të zotë në Uddevalla, Suedi, sa i përket mësimdhënies. Ai është kosovari Shpend Rrukiqi. Në vitin 2011 ai ka qenë personi kyç që ka implementuar kurrikulën e re të ashtuquajtur LGR11, për lendet e matematikës dhe shkencave të natyrës në komunën suedeze ku ai jeton. Duke parë angazhimin, interesin dhe përfitimin që kanë nxënësit dhe shoqëria, komuna i ka mundësuar studimet në “Magjistër i Pedagogjisë Speciale”.

“Unë i kam thyer barrierat dhe sfidat fal vendosmërisë dhe dëshirës për të përfaqësuar denjësisht popullin të cilit i përkas, kam folur dhe jam prezantuar me krenari gjithmonë si shqiptar”, është shprehur Shpend Rrukiqi. /Albinfo.ch.

---