Ministrat Parmelin dhe Burkhalter në Konferencën e sigurisë në Munih

Siç bëhet e ditur nga një komunikatë e Qeverisë së Zvicrës, ministri Parmelin do të marrë pjesë në gjithë konferencën ndërsa ai Burkhalter do të jetë aty vetëm më 18 shkurt.

Guy Parmelin, Ministër i Mbrojtjes dhe Didier Burkhalter, Ministër i Punëve të Jashtme do të marrin pjesë në Konferencën e Sigurisë që mbahet në Munih të Gjermanisë nga 17 deri më 19 shkurt. Kjo konferencë është ndër aktivitetet më të mëdha në botë të kësaj natyre. Ajo u jep mundësi përfaqësuesve më të lartë të qeverive, atyre ushtarakë, ekonomikë e shkencorë për të bërë një debat të thelluar dhe analizë lidhur me sfidat aktuale të politikës së sigurisë.

Në fokus të konferencës së sivjetme janë veç tjerash rendi global i sigurisë, arkitektura e sigurisë evropiane, terrorizmi dhe “cyber” kërcënimet.

Konferenca, nën drejtimin e ambasadorit Wolfgang Ischinger mbahet në kryeqytetin bavarez, në Munih.

Siç bëhet e ditur nga një komunikatë e Qeverisë së Zvicrës, ministri Parmelin do të marrë pjesë në gjithë konferencën ndërsa ai Burkhalter do të jetë aty vetëm më 18 shkurt.

Në margjina të konferencës, ministri Parmelin do të zhvillojë një sërë bisedimesh bilaterale. Ai do të takojë, veç të tjerëve edhe ministrat e mbrojtjes të Gjermanisë, Britanisë së Madhe, Austrisë, Suedisë, Polonisë dhe Singaporit. Ndërsa ministri Burkhalter do të hapë  së bashku me ministrin e jashtëm austriak, njëherësh udhëheqës i OSBE-së, Sebastian Kurz  në një debat lidhur me rolin e OSBE-së në sigurinë dhe bashkëpunimin në Evropë.