Ministri gjerman: Moderna është “Rolls Royce” në mesin e vaksinave

"Vaksina Biontech është Mercedes dhe ajo Moderna është Rolls Royce", është shprehur politikani i CDU-së në Berlin

Ministri Federal i Shëndetësisë Jens Spahn po bën promovimin e vaksinës së prodhuar nga Moderna.

“Vaksina Biontech është Mercedes dhe ajo Moderna është Rolls Royce”, është shprehur politikani i CDU-së në Berlin, shkruan srf.ch. Të dyja vaksinat janë shumë të sigurta, ka shtuar ai.

Biontech është vaksina që gjermanët e kanë kërkuar më shumë gjatë gjithë kohës. Këtu kërkesa është rritur ndjeshëm në dy javët e fundit, transmeton albinfo.ch.

Instituti Paul Ehrlich (PEI) e kritikoi debatin për vaksinat kundër koronës ku bëhen krahasime midis vaksinës Moderna dhe asaj Biontech si “të papërshtatshëm”.

“Efikasiteti i tyre është më shumë se 90 për qind, ka thënë kryetari i institutit Klaus Cichutek, përcjell albinfo.ch. Studimet kanë treguar gjithashtu se efektet anësore janë shumë të ulëta në të dy vaksinat.

Ndërsa në Zvicër, ndryshe nga Gjermania, shumica e njerëzve që janë vaksinuar janë të imunizuar me vaksinën Moderna; Sipas BAG, rreth dy të tretat e tyre kanë marrë vaksinën nga Moderna (gjendja më 18 nëntor 2021).

 

---