Ministria e Punëve të Jashtme dhe Diasporës mbështet sulmet e SHBA-së kundër Iranit

Kosova rreshtohet krah Uashingtonit, shpreh solidaritet me popullin iranian për liri dhe demokraci

Ministria e Punëve të Jashtme dhe Diasporës ka deklaruar publikisht se mbështet sulmet e Shtetet e Bashkuara të Amerikës kundër Iranit, duke e cilësuar regjimin iranian si një regjim që për dekada ka shtypur popullin e vet, ka destabilizuar rajonin dhe ka kërcënuar paqen dhe sigurinë ndërkombëtare, përcjell albinfo.ch.

Në deklaratë thuhet se Kosova qëndron krah presidentit amerikan, Donald Trump, në përpjekjet për të frenuar, siç është shprehur, regjimet që kërcënojnë popujt e lirë dhe stabilitetin global.

“Ne qëndrojmë krah presidentit Donald Trump në përpjekjen për të frenuar regjimet që kërcënojnë popujt e lirë, për të mbrojtur stabilitetin global dhe për të mbështetur aspiratat legjitime të popullit iranian për liri, dinjitet dhe demokraci. Regjimet që shtypin qytetarët e tyre, që mbështesin dhunën ndaj vendeve demokratike dhe që kërcënojnë popuj të tjerë, nuk mund të jenë faktor paqeje”, thuhet në deklaratë.

Mes tjerash, theksohet se Kosova solidarizohet me popullin iranian në përpjekjet për një të ardhme të lirë dhe demokratike.

Kosova nuk ka marrëdhënie diplomatike me Irani, pasi ky shtet nuk e njeh pavarësinë e saj.

---