Mot me diell në Zvicër, temperaturat deri në 26 gradë

Mot i ngrohtë pritet të regjistrohet të premten dhe shtunën, ku temperatura pritet të arrijë deri në 26 gradë celsius

Moti i nxehtë po mbretëron në Zvicër me temperaturat maksimale deri në 26 gradë celsius. Të premten dhe ditën e shtunë temperaturat do të shkojnë deri në 26 gradë në Cyrih dhe shumë qytete të Zvicrës, shkruan albinfo.ch.

Pothuajse gjatë kësaj jave Zvicra është karakterizuar me mot stabil dhe me diell. Zvicra nga sot do të ketë më shumë orë me diell, pa vranësira. Sa u përket fushave termike, ato do të pësojnë rritje graduale në vlerat e maksimaleve, ndërsa minimalet do të mbeten rreth vlerave 2 dhe 3 gradë, shkruan albinfo.ch.

Nuk parashihet të ketë reshje të asnjë forme, të paktën për këto gjashtë ditë të parashikimit.

Temperaturat minimale gjatë gjithë javës do të lëvizin ndërmjet -2 deri 3 gradë celsius, ndërsa maksimalet e ditës parashihen të lëvizin deri në 26 gradë celsius.

Dita e premte do t’i shënojë vlerat e temperaturave të larta deri në 25 gradë celsius, ndërsa dita e shtunë paraqitet si dita më e nxehtë me 26 gradë celsius.

Kjo situatë meteorologjike do të jetë e favorshme që situata biometeorologjike dhe agrometeorologjike të jetë e mirë. /Albinfo.ch

 

Cyrih 

Bern 

Gjeneva

---