Mourinho, me çdo kusht, e dëshiron shqiptarin luftarak te Roma

Mourinho kontakton personalisht Xhakën

Blick shkruan se Granit Xhaka konfirmoi interesin e Romës për të dhe ishte i kënaqur. Mesfushori shqiptar i Arsenalit është objektivi kryesor i Tiago Pinto për të forcuar skuadrën, që do t’i dorëzohet Josè Mourinho. “Special One” kërkoi mesfushorin luftarak, si një element shumë të rëndësishëm për planet e tij, përcjell albinfo.ch.

Kontaktet midis palëve tashmë kanë filluar, siç është konfirmuar nga vetë Xhaka prej grumbullimit me kombëtaren zvicerane në ‘Bad Ragaz’. “Kuptova interesin, gjë që më bën krenar, – janë fjalët e raportuara nga ‘Blick Sport’.

– Pa dyshim që kam dëgjuar zëra për verdhekuqtë. Të gjithë e njohin Mourinhon dhe e dinë se çfarë ka arritur të bëjë në karrierën e tij. Ai është dikushi, që di të fitojë tituj.

Thjesht shikoni punën që ai ka bërë në vitet e fundit. Tani për tani jam i përqendruar 100% tek ekipi kombëtar. Kjo është gjëja më e rëndësishme tani, më shumë sesa Arsenali apo zërat e transferimit. Kam ende dy vjet në kontratën time në Londër dhe tek Arsenali e dinë se çfarë mund të jap. Por, kur koha të jetë e duhura dhe duhet të flasim për një transferim, unë do të jem i hapur”.

---