Mustafi mund të përfundojë në Turqi

Mbrojtësi shqiptar ka pasur shumë pak hapësira në këtë edicion në Arsenal

E ardhmja e futbollistit shqiptar, Shkodran Mustafit është gjithnjë e më larg Arsenalit, raportojnë mediat ndërkombëtare.

Trajneri i skuadrës londineze, Mikael Arteta ditë më parë nuk e ka përjashtuar mundësinë që Mustafi të largohet përkundër problemeve që Arsenal ka në repartin e mbrojtjes.

Skuadra turke, Galatasaray është e interesuar për shërbimet e 27-vjeçarit shqiptar, përcjell albinfo.ch.

Madje në mediat angleze raportohet se agjenti i Mustafit ka udhëtuar për në Turqi, për të provuar të mbyll marrëveshjen me gjigantin turk.

Mustafi së fundmi ka shkruar edhe një letër, duke kritikuar tifozët e Arsenalit. Kjo jep shenja se ai do të largohet nga skuadra londineze në afatin kalimtar të janarit.

 

---