Ekspozita
Ndahet nga jeta piktori i shquar, Omer Kaleshi
Kryeministri, Albin Kurti e ka kujtuar Kaleshin duke thënë se një kokë piktoreske e bardhë, me flokë dhe mustaqe të thinjura, do të mbetet imazh simbol i portretit të piktorit të kokave, piktorit të madh shqiptar
Ka vdekur sot në moshën 90 vjeçare piktori i shquar shqiptar, Omer Kaleshi.
Artisti i madh është lindur në vitin 1932 në fshatin Kastriot të Kërçovës. Pasi ka mbaruar shkollën fillore dhe të mesme në vendlindje, ai, në vitin 1956 ka migruar në Turqi me gjithë familjen, shkruan INA. Në vitin 1959 Kaleshi ka regjistruar studimet në Akademinë e Arteve të Bukura në Stamboll, në degën e pikturës.
Ekspozitën e parë personale në galerinë “Robert College” në Stamboll, Kaleshi e kishte hapur në vitin 1963, ndërsa në vitin 1965 ka mbaruar studimet dhe ka hapur disa ekspozita, në qytetet si: Ankara, Beograd, Shkup. Duke filluar nga viti 1965 Omer Kaleshi është vendosur në Paris, Francë, ku ka jetuar deri në fund.
Kaleshi në vitet 1966-1967 ka ekspozuar punimet e tij, ndër tjera edhe në: Hagë – “Salloni i piktorëve të pavarur”, “Salloni internacional i pikturës”, në Paris – “Salloni i realiteteve të reja”, “Qendra kulturore 17”, në Lecce të Italisë – “Salloni i majit”, etj.
Kryeministri, Albin Kurti e ka kujtuar Kaleshin duke thënë se një kokë piktoreske e bardhë, me flokë dhe mustaqe të thinjura, do të mbetet imazh simbol i portretit të piktorit të kokave, piktorit të madh shqiptar.
”Koka dervishësh, koka çobanësh, koka me plisa, koka me shamia, koka nga Anadolli dhe koka nga Ballkani, të gjitha të pikturuara pa model. Shumë koka, koka pa trup, vetëm koka, por edhe pse pa trup, kokat e Kaleshit nuk kanë gjak meqë ato nuk janë koka të prera, sepse janë koka të gjalla, siç shpjegonte vetë ai”, ka shkruar Kurti në përkujtimin e tij për artistin e madh.
E-Diaspora
-
Itali
Parada Arbëreshe në Spezzano Albanese, tradita shqiptare në rrugët e qytetit Veshjet tradicionale, muzika dhe vallet sollën në qendër të qytetit trashëgiminë e komuniteteve arbëreshe dhe lidhjen... -
Punime në rrugën drejt Aeroportit të Prishtinës, paralajmërohen vonesa në qarkullim -
Dy shtetas të Kosovës në paraburgim në Gjermani, dyshohen për dy zjarrvënie -
Profesoresha shqiptare Shyhrete Rexhaj drejton debatin shkencor mbi vetëvlerësimin dhe kujdesin në fushën e infermierisë në Lozanë -
Deola Sejdiu përfundon me sukses kursin e HarvardX
Jeta në Gjermani
-
Dy shtetas të Kosovës në paraburgim në Gjermani, dyshohen për dy zjarrvënie Njëri prej rasteve po hetohet edhe si tentativë vrasjeje, pasi në shtëpinë e përfshirë nga zjarri...
-
Berlini si model për banesa më të përballueshme: Çfarë mund të bëjë Zvicra? -
Gjermania dhe Kosova bashkojnë forcat kundër rriqrave që bartin virusin vdekjeprurës -
Schengen për Ballkanin, më pak punëtorë nga rajoni në Gjermani: Plani që prek edhe Kosovën -
Infermierë nga Kosova marrin njohjen për punë në Gjermani
