Ndalesa për ndezje zjarri në ambient të hapur

Në kantonet Vaud, Graubünden dhe Tesinë, ndalimi i ndezjes së zjarreve në ambiente të hapura është në fuqi prej ditësh

Thatësia e pazakonshme për këtë stinë, që ka kapluar Zvicrën, ka shtyrë autoritetet përgjegjëse në shumë kantone që të ashpërsojnë rregullat për mbrojtje nga zjarri.

Shumica e kantoneve tashmë kanë ndaluar ndezjen e zjarreve në ambient të hapur. Kështu në kantonet Basel dhe Baselland, ku prej më shumë se një muaji nuk janë shënuar reshje shiu ka hyrë në fuqi një ndalesë e ndezjes së zjarreve në pyje.

Një ndalesë e tillë është vënë edhe në regjionet e Thun-it dhe Biel-it në kantonin e Bernës, njofton drs.ch. Aktualisht në kantonet e Cyrihut dhe të Thurgaut nuk ka ndalesa të tilla, ndonëse popullata është lutur që të veprojë me kujdes.

Ndërkaq në kantonet Vaud, Graubünden dhe Tesinë, ndalimi i ndezjes së zjarreve në ambiente të hapura është në fuqi prej një kohe më të gjatë.