Ndalohen mbiemrat e dyfishtë?

Nuk duhet të ketë më mbiemra të dyfishtë. Kështu së paku ka propozuar komisioni për çështje juridike i Dhomës së kantoneve (dhoma e ulët) i Parlamentit të Zvicrës, i cili synon një revidim me themel të të drejtës së emrit.

Sipas qëndrimit të dhomës në fjalë, për të siguruar barazinë në mes të burrit dhe gruas, në të ardhmen duhet që, bashkëshortët me rastin e martesës të ruajnë mbiemrin e tyre si dhe të drejtën qytetare të komunës dhe të kantonit të prejardhjes.

Komisioni megjithatë do të lejojë që çiftet të marrin një mbiemër të përbashkët. Mirëpo, vetëm njëri nga mbiemrat e vajzërisë/beqarisë do të gjejë shprehje në këtë rast për tu bërë mbiemër i përbashkët. Mbiemrat e dyfishtë, sikur p.sh. Leutenegger Oberholzer nuk do të lejohen.

Mirëpo do të munden t`i mbajnë edhe më tutje mbiemrat e tyre të dyfishtë ata/ato që kanë mbiemra të njësuar (Allianzname) të tipit WidmerSchlumpf etj.