Ndërpriten përkohësisht kërkimet për policin e dytë

Janë ndërprerë përkohësisht, kërkimet për trupin e policit, Armend Trena, shkaku i reshjeve të mëdha të shiut.

Ekipet e shpëtim-kërkimit kanë nisur operacionin e kërkimit në ora 9:00 mëngjesit për t’i ndërprerë  ato pasdite, përcjell albinfo.ch.

Zëdhënësi i Policisë së Kosovës për rajonin e Ferizajt, Agim Gashi ka thënë se deri tani kanë kontrolluar shtatë ura në Lepenc, por nuk ka asnjë rezultat. Gashi ka thënë se operacioni është ndalur për shkak të reshjeve të mëdha.  Armend Tena dhe polici tjetër Malsor Dashi u aksidentuan javën e kaluar në magjistralen Han i Elezit-Kaçanik. Trupi i pa jetë i Malsor Dashit është gjetur të enjten dhe është varrosur të premten me ceremoni shtetërore.