Ndodhi e rrallë: Vëllai i vogël lëndon të madhin

Arlind Ajeti nxjerri krahun pas një dueli me vëllain e tij më të vogël, Albianin

Më parë jemi mësuar të shohim duelin mes vëllezërve Xhaka, por jo atyre Ajeti. Kjo ndodhi në xhiron e fundit në Superligën zvicerane ku Grashopers u takua me Baselin.

Arlindi po luan për GC, derisa Albiani për Baselin. I pari mbron ngjyrat kuqezi, kurse i dyti të Zvicrës, shkruan albinfo.ch.

Kjo ishte një ndeshje emocionuese për 21-vjeçarin. “Duhet të angazhohemi në duele gjatë lojës, por thjesht mos ta lëndojmë njëri-tjetrin”, është shprehur Albiani, duke dashur të qetësojë prindërit.

Megjithatë, asaj që i frikësoheshin ndodhi. Pas një përplasje, vëllai i madh (Arlindi) nxjerr krahun, edhe pse qëndron deri në fund të pjesës së parë.

Vëllai i vogël dukej shumë i mërzitur. “Është shumë e pakëndshme. Më vjen keq për vëllain tim të madh. Ta shihja me shpatullën jashtë vendit të vet nuk ishte asgjë e bukur.

Që ai u përfshi në këtë lëndim ishte, sigurisht, fat i keq absolut. Tani i uroj të bëhet më mirë, sa më shpejt të jetë e mundur. Nëse futbolli është ai që duam, do të takohemi ndoshta njëzet herë, ose vetëm dy herë. Sigurisht, mund ta shmangim pak më shumë njëri-tjetrin në ndeshjen e ardhshme”.

Por, vëllai i madh, duket se e ka falur. “Deri më tani kemi qenë gjithmonë së bashku, në një skuadër. Kësaj here mu desh të luaja direkt kundër vëllait tim. Kjo nuk është e bukur, veçanërisht emocionalisht”, theksoi Arlindi.

linku

---