Në Austri: 19 % e fëmijëve janë jo-shtetas

Në vendin e parë ndodhet Luksemburgu me 48 %, apo përqindjen më të lartë në Evropë

Më 1 janar 2020, rreth 6.5 milionë persona të moshës më pak se 18 vjeç ishin joshtetas BE, që do të thotë se nuk kishin nënshtetësinë e shteteve anëtare të BE-së ku jetonin, duke përfaqësuar 8% të numrit të përgjithshëm të fëmijëve në BE.

Në terma absolutë, shtetet anëtare të BE-së që pritën numrin më të madh të fëmijëve jo-shtetas ishin Gjermania (1.7 milionë, ose 26% e fëmijëve jo-shtetas në BE), Franca (1.1 milionë ose 17%), Italia (1.0 milionë), ose 16%) dhe Spanja (0.9 milionë, ose 14%).

Pothuajse 3 nga 4 fëmijë pa shtetësinë e vendit të tyre të banimit të BE-së banonin në një nga këto katër shtete anëtare në vitin 2020, shkruan Scan, transmeton albinfo.ch.

Në terma relativë, shteti anëtar i BE-së që priti përqindjen më të lartë të fëmijëve jo-shtetas ishte Luksemburgu (48% e popullsisë totale të fëmijëve në Luksemburg), i ndjekur nga Austria (19%), Malta (15%), Greqia (13%), Gjermania dhe Qiproja (të dyja 12%).

Në anën tjetër të shkallës, Shtetet Anëtare që regjistrojnë përqindjet më të ulëta ishin kryesisht të vendosura në pjesën lindore të BE-së, kryesisht në Rumani, Sllovaki, Poloni, Lituani dhe Bullgari, të cilat janë të gjitha më pak se 1%.

---