Në Bavari, nga 21 shtatori, fillon mësimi në gjuhën shqipe

Mësimi shqip për fëmijët shqiptarë që jetojnë në landin e Bavarisë në Gjermani pritet të fillojë më 21 shtator, raporton albinfo.ch. Një gjë e tillë u bë e ditur nga Lidhja e Arsimtarëve dhe Prindërve Shqiptarë (LAPSH).

“Kryesia e LAPSH-it njofton bashkëkombësit shqiptarë që jetojnë dhe veprojnë në landin e Bavarisë, që mësimi plotësues në gjuhën shqipe do të fillojë nga data 21 shtator.
Për fillimin e ri të vitit shkollor 2020/21 kryesia e LAPSH-it i ka bërë të gjitha përgatitjet e duhura, po ashtu ka siguruar librat për të gjithë nxënësit, ditarin e punës dhe planin vjetor, të mbështetur në korrikulen e përbashkët të dy shteteve tona shqiptare, të Tiranës dhe Prishtinës”, thuhet në njoftim.