Në Gothard, kolonat deri në 15 kilometra të gjata

Këtë vikend ka filluar vala e tretë e turistëve që kalojnë përmes Gothardit në drejtim të Italisë dhe jugut të Evropës. Në fillim të vikendit, kjo  valë ka shkaktuar sërish kolona të gjata deri në 15 kilometra të qindra automobilëve në pjesën para tunelit Gothard, në mes të Altdorf-it dhe Göschenen-it.

Ndërkohë tollovia në këtë drejtim ka filluar të qetësohet. Sipas Viasuisse, kolonat e automobilave në kufirin Zvicër-Itali, në Chiasso-Brodega janë rreth tetë kilometra të gjata. Ndërsa në drejtim të veriut, në mes të Quinto dhe Ariola, kolona ka qenë 5 kilometra.

Vala e madhe e turisteve drejt jugut ka filluar të premten dhe ajo edhe gjatë gjithë natës në mes të të premtes dhe të shtunës nuk ka pushuar.