Në komunën e “rebeluar”, më pak azilkërkues

Gjithsej në Bettwil do të duhej të strehoheshin 20 deri në 40 azilkërkues

Në komunën e vogël të kantonit Aargau, në Bettwil, duket se megjithatë do të mund të hapet një shtëpi për strehimin e azilkërkuesve. Por, ndryshe nga sa ishte planifikuar, ajo do të jetë dukshëm më e vogël. Gjithsej në Bettwil do të duhej të strehoheshin 20 deri në 40 azilkërkues.

Kështu ka deklaruar për mediet zvicerane një zëdhënës i Zyrës Federale për Migracion. Kjo zyrë është duke shqyrtuar nëse godina ushtarake në këtë fshat do të mund të përshtatet për t`u ofruar strehë azilkërkuesve.

Fillimisht bëhej fjalë për 140 sish, ndërsa pas protestave të vendosura të banorëve, qe vendosur për 80 deri 100 vende strehimi. Pasi që rezistenca ka vazhduar edhe më tutje, autoritetet po shqyrtojnë mundësinë e edhe një kompromisi.