Në oborrin e mërgimtarit gjendet një granatë dorë

ilustrim

Policia e Kosovës ka bërë të ditur se në fshatin Medvec të Lipjanit, një person ka raportuar se derisa kishte qenë duke punuar në oborr të shtëpisë së vëllait të tij, i cili gjendet në Gjermani kishte hasur në një mjet të dyshuar shpërthyes.

Në vendin e ngjarjes kanë dalë njësitë relevante të policisë, duke përfshirë skuadrën e bombave, ku sipas tyre bëhet fjalë për një granatë dore të llojit F-1 të cilën e kanë demoluar në vendin e ngjarjes pa pasoja në njerëz dhe dëme materiale.

Policia ka raportuar edhe për një rast të ngjashëm. Ndërkohë, në fshatin Shkugëz të raportohet se dëshmitari derisa kishte qenë duke kryer punime me ekskavator kishte hasur në një mjet të dyshuar shpërthyes.

Në vendin e ngjarjes kanë dalë njësitë relevante të Policisë, kanë siguruar mjetin, bëhet fjalë për një minë anti tank E-3.

Në vendin e ngjarjes ka dalë njësia e FSK-së, ku mjetin e dyshuar e kanë marrë me vete.