Në Slloveni nuk ka lehtësime për shtetasit shqiptarë që lëvizin drejt vendit të tyre

(KEYSTONE/Patrick Straub)

Së fundi, Sllovenia ka prezantuar një regjim të ri të kalimit në kufijtë e saj, por nuk ka lehtësime për shtetasit shqiptarë dhe shtetasit e tjerë të vendeve të treta që lëvizin drejt vendit të tyre, transmeton albinfo.ch.

Sipas njoftimit nga Ambasada e Shqipërisë atje, thuhet se shtetasit e vendeve të BE-së mund të hyjnë në territorin slloven nga Austria, Italia dhe Hungaria, duke mos patur infeksion, apo simptoma, të Covid-19 dhe nuk i detyrohen karantinës dy javore. Ndërsa shtetasit e vendeve të treta, ku përfshihen edhe ata shqiptarë, që hyjnë në Slloveni për arsye të përcaktuara, por jo që të udhëtojnë drejt Shqipërisë, kanë detyrimin e karantinës dy javore, përcjell tutje albinfo.ch.

Shtetasit shqiptarë që udhëtojnë drejt Shqipërisë duke hyrë në territorin slloven nga Austria, Italia dhe Hungaria, iu ndalohet të hyjnë në Slloveni, nëse më parë nuk është dhënë leje e konfirmuar nga shteti kufitar drejt të cilit udhëtojnë.

Për çdo informacion shtesë, lutemi kontaktoni numrin e emergjencës të Ambasadës : +386 31 240 760

/Albinfo.ch.