Në Zvicër më nxehtë se në Mallorca

Me gjithë një freskim që mund të vijë pas këtij vikendi, meteorologët nuk shohin rënie të madhe të temperaturave as në ditët në vijim

Temperaturat në Zvicër janë ngjitur në zenitin e tyre. 23 deri 25 gradë ka shënuar sot në zhiva në termometër, ndërsa gjatë vikendit pritet që ajo të ngjitet në 27 gradë.

Me këto temperatura, siç shkruan blick.ch, Zvicra aktualisht ia kalon edhe vendpushimit të famshëm veror të Spanjës Palma de Mallorca. Madje edhe ishujt Kanare, që janë shumë më në jug se Mallorca mezi mund të “maten” me temperaturat zvicerane.

Meteorolgët një gjendje të tillë jo të zakonshme klimatike e quajnë “gjendje Omega”, që shpjegohet me lëvizje të veçanta klimatike, ka thënë meteorologia Christine Jutz për blick.ch.

Por, sipas Jutz, megjithëse jo e zakonshme, kjo pranverë nuk është më e ngrohta në histori. “Në vitet 40, temperaturat ishin edhe më të larta gjatë muahjit të prillit”.

Me gjithë një freskim që mund të vijë pas këtij vikendi, meteorologët nuk shohin rënie të madhe të temperaturave as në ditët në vijim.