Në Zvicër, më së shumti të huaj “për kokë banori”

Në shumicën e rasteve në Zvicër migrojnë njerëz nga vendet e BE-së

Gjatë dekadës së fundit në Zvicër kanë migruar pothuaj 250 mijë persona nga vende të ndryshme të botës. Afërsisht çdo i dyti prej tyre ka pasur të kryer shkollimin e lartë.

Sipas raportit më të ri të OECD-së, Zvicra ka dendësinë më të madhe të migracionit në mesin e vendeve të OECD-së, në krahasim me numrin e banorëve.

Në shumicën e rasteve në Zvicër migrojnë njerëz nga vendet e BE-së. Po ashtu edhe marrëveshja e nënshkruar nga Zvicra për lëvijen e lirë ka bërë që edhe numri i shteasve të vendeve të reja të BE-së në Zvicër të jetë relativisht i madh.

Këta njerëz kanë gjetur punë në Zvicër para së gjithash në degët ekonomike që janë në ekspansion. Kjo do të thotë, sipas raportit, se migracioni është duke mbështetur ndryshimet strukturore në tregun e punës.