Nga Benfica në Zvicër: Adrian Bajrami shkëlqen me Luzernin

(KEYSTONE/Gian Ehrenzeller)

Bajrami ka bërë një paraqitje shumë të fortë në ndeshjen kundër St Gallen, që është zhvilluar të dielen, sipas gazetarëve, ashtu edhe sipas të dhënave të detajuara.

Në Luzerner Zeitung, Bajrami mori nota 5,5, një nga notat më të mira në ekip, me komentin: “Topleistung des Leihprofis von Benfica” (performancë jashtëzakonisht e mirë e huazuarit nga Benfica)

Kjo është një notë e lartë sipas sistemit zviceran të vlerësimeve (maksimumi është 6).

Adrian Bajrami dha një performancë solide në mbrojtje kundër St. Gallen:

U dallua për 4 ndërhyrje, më shumë se çdo mbrojtës tjetër i Luzernit.

Kryesoi me 3 faulle, por mori edhe 4 faulle, duke qenë shtyllë në aksionet mbrojtëse dhe ofensivë.

Vlerësimi prej 7.66 tregon një ndeshje të fortë në përgjithësi.

Këto shifra tregojnë se Bajrami ishte shumë aktiv në mbrojtje: dominues në duelet fizike, i kujdesshëm në zonën e rrezikut dhe me prezencë edhe para portës kundërshtare.

Mbrojtësi 23-vjeçar ka kaluar së fundi në  FC Luzern në formë huazimi për një sezon nga Benfica Lisbona.

Adrian Bajrami ka luajtur në moshat e reja për BSC Young Boys, para se në vitin 2018 të kalonte te akademia e Benficas. Pas mbi 100 paraqitjesh me ekipin B dhe U-23 të Benficas, lojtari me shtetësi të dyfishtë shqiptare-zvicerane u aktivizua sezonin e kaluar në gjashtë ndeshje me ekipin e parë. Për Kombëtaren e Shqipërisë, Bajrami ka zhvilluar deri tani tre ndeshje. FC Luzern ka të drejtë blerjeje për lojtarin.

“Me Adrianin i bashkohet ekipit tonë një qendërmbrojtës i fortë në duele, i cili mund të luajë edhe si mbrojtës i majtë. Për më tepër, ai ka aftësi të lindura udhëheqëse, të cilat do ta ndihmojnë ekipin tonë të ri,”  kishte deklaruar drejtori sportiv Remo Meyer.