Nga Lozana dhurohen lodra për fëmijët e prekur nga tërmeti në Shqipëri

Nga Lozana e Zvicrës janë dhuruar një numër pakosh me lodra për fëmijët e prekur nga tërmeti në Shqipëri. Këto lodra janë dhuruar nga një çift shqiptarë, i ndihmuar edhe nga disa qytetarë zviceranë, që jetojnë në Lozanë, shkruan albinfo.ch.

Vlen të theksohet se shoqatat Swiss Albania Event, Dona , Teuta , Ilirët në bashkëpunim me komunitetin shqiptar në Zvicër ende po vazhdojnë ngrumbullimin e ndihmave për banorët e Shqipërisë, në mënyrë që festat e fundvitit të bëhen më të ngrohta për ta.

Kujtojmë se kishte një mobilizim të madh të shoqatave shqiptare të kësaj pjese të Zvicrës në përkrahje të viktimave të tërmetit në Shqipëri. Me iniciativën e përbashkët të shoqatave, vetëm në ditët e para pas tërmetit janë mbledhur mbi 30 mijë franga zvicerane.

Të gjitha shoqatat janë dakorduar që më 8 dhjetor 2019 secila prej tyre të dërgojë dy përfaqësues në takimin e radhës që do të mbahet në restorantin “Adler” në St. Georgenstrasse 84, 9011 St. Gallen, prej orës 10.30. /Albinfo.ch.