Nga Prishtina në Venecia: Baleti Kombëtar me shfaqjen e Orff-it

Baleti Kombëtar i Kosovës shkel skenën historike të Venecias me “Carmina Burana”

Baleti Kombëtar i Kosovës do të marrë pjesë për herë të parë në festivalin “Venezia in Danza”, duke interpretuar kantatën skenike “Carmina Burana” të Carl Orff, me koreografi të Toni Candeloros. Shfaqja do të jepet në Teatrin Malibran, një institucion katër shekuj i vjetër, dhe më pas në qytetin italian Potenza më 1 dhjetor, përcjell albinfo.ch.

Koreografi dhe balerini Sead Vuniqi e konsideron këtë ngjarje si një prej më të rëndësishme për institucionin në vitin 2025. “Është një pjesëmarrje jashtëzakonisht e madhe për ne, duke e ditur se Venecia është një prej qendrave më të vjetra dhe më prestigjioze të kulturës klasike dhe baletit,” tha ai.

Koleksioni i lëvizjeve të baletit, i konceptuar si peizazh abstrakt, synon të pasqyrojë fatin e njeriut dhe thelbin e veprës klasike. Shfaqja ka tërhequr vëmendjen e publikut dhe institucioneve kulturore, ndërsa koreografi Candeloro ka bërë të mundur prezantimin edhe në Potenza.

Teatri Malibran, i përuruar në vitin 1678 dhe i restauruar në vitin 2001 me 900 ulëse, është një nga teatrot më të njohur të Venecias, duke ruajtur trashëgiminë e pasur të muzikës dhe baletit në qytet.

---