Nga sot shtrenjtohen biletat e transportit publik në Prishtinë

Nga sot kanë hyrë në fuqi tarifat e reja për transportin publik në Prishtinë,

 

Nga sot kanë hyrë në fuqi tarifat e reja për transportin publik në Prishtinë, pas vendimit të Komunës së Prishtinës për rritjen e çmimeve të biletave, përcjell albinfo.ch.

Sipas vendimit, bileta njëdrejtimëshe, e cila deri më tani kushtonte 50 centë, tani do të kushtojë 80 centë.

Megjithatë, qytetarët do të kenë mundësi të përfitojnë një çmim më të ulët nëse zgjedhin pagesën përmes sistemit digjital. Në këtë rast, bileta njëdrejtimëshe do të kushtojë 60 centë.

Tarifat e reja nuk prekin vetëm biletën njëdrejtimëshe, por edhe kategoritë e tjera të transportit publik. Ndryshimet përfshijnë biletat ditore, javore dhe mujore, si dhe biletën për linjën e Aeroportit, përveç biletave vjetore dhe atyre korporative në format digjital.

Vendimi hyn në fuqi nga sot dhe pritet të ndikojë te të gjithë përdoruesit e transportit publik në kryeqytet. /Albinfo.ch

---