Kosovë: Nga viti i ardhshëm sigurimet e automjeteve do të lirohen

Foto ilustrim: Tim Foster

Është bërë e ditur se nga viti i ardhshëm, kosovarët do të paguajnë një çmim më të lirë për polisat e sigurimit të automjeteve, përcjell albinfo.ch.

Kështu ka bërë të ditur sot kryeministri Avdullah Hoti, i cili ka thënë se ky vendim do të ulë barrën financiare për qytetarët e Kosovës.

“Lajme të mira nga BQK dhe Autoriteti i Konkurrencës: vitin e ardhshëm lirohet çmimi i polisave të sigurimit të automjeteve, duke ulur kështu barrën financiare për familje dhe liberalizohet tregu i sigurimeve, që nënkupton zhvillim të produkteve të reja dhe më të lira të sigurimeve”, ka shkruar Hoti në Facebook.

Ai është zotuar se Qeveria e Kosovës do të jetë partnere me BQK-në në të gjitha politikat financiare që promovojnë zhvillim dhe konkurrencë të drejtë.

https://www.facebook.com/avdullah.hoti/posts/3676610339066960