Ngritet çmimi i naftës në Kosovë

Çmimi i naftës dhe ai i benzinës, është ngritur në 1.10 cent, gjegjësisht në 1.11 cent gjatë muajit të katërt të këtij viti, krahasuar me muajin paraprak, sa ishte 0.95 cent

Pas një kohe relativisht të gjatë çmimi i derivateve të naftës sërish ka pësuar ngritje në Kosovë.

Çmimi i naftës dhe ai i benzinës, është ngritur në 1.10 cent, gjegjësisht në 1.11 cent gjatë muajit të katërt të këtij viti, krahasuar me muajin paraprak, sa ishte 0.95 cent.

Kryetari i Naftëtarëve të Kosovës, Fadil Berjani në një prononcim për Indeksonline ka treguar arsyet e trendit të ngritjes së çmimit të derivateve.

“Sa i përket çmimit te derivateve kemi një rritje të lehtë. Por çmimin e dikton Berza ditore dhe organizata prodhuesve OPEK. Ne vitin e kaluar në këtë kohë çmimi i naftës ka qen 0.95 cent. Kjo sepse ka qenë kuota ndërkombëtare e prodhimit e madhe, ndërsa këtë kohë prodhimi i derivateve ka rënie dhe në mënyrë automatike kemi rritje te derivateve në globin ndërkombëtar dhe kjo ndikon edhe në Republikën e Kosovës”, ka thënë ai, përcjell albinfo.ch.

Berjani ka shtuar se qytetarët e Kosovës janë duke u shërbyer me derivate me çmim më te lirë në regjion më të lirë se Shqipëria, Mali i Zi, Serbia dhe Maqedonia.

Sipas tij qytetarët dhe bizneset s’kanë nevojë për panik se sepse janë duke u shërbyer me çmime reale.