Një aeroplani gjerman i pengohet hyrja pa leje në Zvicër

Ky veprim është bërë në kuadër të masave mbrojtëse me rastin e zhvillimit të punimeve të Forumit të Davosit, në Zvicër

Një aeroplan nga Gjermania ka provuar që përmes Austrisë të hyjë pa pasur leje në hapësirën ajrore të Zvicrës por është “kapur” nga mbrojtja ajrore e Austrisë. Këtë veprim aeroplanët ushtarakë të Austrisë e kanë ndërmarrë në kuadrin e masave të koordinuara të mbrojtjes së hapësirës ajrore me rastin e zhvillimit të punimeve të Forumit të Davosit, në Zvicër.

Dy aeroplanë ushtarake të tipit PC-7 kanë përcjellë fluturaken nga zona e bllokuar ajrore në drejtim të Gjermanisë, bën të ditur drs.ch.

Rreth 1000 ushtarë dhe mbi 30 aeroplanë luftarakë të ushtrisë austriake janë vënë në shërbim të mbrojtjes së Forumit Ekonomik Botëror në Davos.

Pilotin e kapur gjerman e pret një dënim i lartë administrativ me të holla.