1 781 qytetarë të infektuar me COVID-19 në Shqipëri

Një mijë e 781 raste me koronavirus janë konfirmuar në 24 orët e fundit në Shqipëri.

Ministria e Shëndetësisë në Shqipëri u bën apel qytetarëve të vaksinohen sa më parë, për të mbrojtur veten dhe shëndetin e të tjerëve.

Sipas komunikatës së Ministrisë, janë kryer 8,105 testime, nga të cilat kanë rezultuar pozitivë me COVID19  1,781 qytetarë.

Janë 10,789 pacientë aktivë me COVID19 në gjithë vendin.

Aktualisht në spitalet COVID po marrin trajtim 111 pacientë, nga të cilët 12 janë në gjendje më të rënduar. Në 24 orët e fundit nuk ka humbje jete me SARS-COV2 pozitiv. Ministria e Shëndetësisë dhe Mbrojtjes Sociale u shpreh ngushëllime familjarëve.

Janë shëruar 278 qytetarë gjatë 24 orëve të fundit, duke e çuar numrin e të shëruarve në 202,664 që nga fillimi i epidemisë.