Një panterë e zezë në pyjet e Soloturnit?

Ndërkohë, mediet njoftojnë se në Gjermaninë e Jugut një panterë është shpallur e humbur

Një panterë e zezë është parë në pyjet e kantonit Solothurn. Ky njoftim ka dalë nga burime të ndryshme dhe është publikuar sot në mediet zvicerane. Nuk dihet se si kjo kafshë e rrezikshme e familjes së tigrave, që normalisht jeton në Afrikë, Azi ose Kaukaz, ka humbur rrugën në Zvicër.

Ndërkohë, mediet tregojnë se në Gjermaninë e Jugut një panterë është shpallur e humbur. Por ende nuk dihet nëse ai ka lidhje me panterën që po qarkullon në pyjet e Zvicrës.

Megjithëse një kafshë si pantera paraqet rrezik për njerëzit, policia ende nuk ka vendosur shenja rreziku në pyjet ku thuhet se është parë ajo, shkruajnë mediet zvicerane.

Një zëdhënëse e policisë së Solothurnit thotë se ende nuk është e qartë nëse kafsha e parë në pyjet e afërta është panterë ose ndonjë lloj tjetër maceje e madhe.

Gjatë vikendit të kaluar në pyjet e Solothurnit e më gjerë ka pasur një lëvizje të madhe të njerëzve kureshtarë për të parë dhe fotografuar panterën e zezë. Disa prej tyre madje kishin vendosur edhe kurthe dhe kareme të ndryshme për të kapur egërsirën!