Një pasuri e tërë për një letër nga Ajnshtajni

Një letër nga Albert Einsteini për industrialistin dhe politikanin gjerman, Walther Rathenau, është vlerësuar 174. 000 franga nga Galeria Fisher në Luzern të mërkurën.

Letra është e shkruar nga vetë dora e Einsteinit, një faqe dyfish, dhe ka datën 8 mars 1917. Në këtë letër Albert Einsteini bën thirrje për një shtet i cili mbulon vetëm institucionet bamirëse shtetërore, siç janë spitali, universiteti apo policia. Vetëm strukturat shtetërore, të cilat nuk tejkalojnë rrethina të qëndrueshme, mund të jenë afatgjate, argumenton i famshmi Einstein në letrën e tij.

Duke marrë si shembull Zvicrën, shpikësi i teorisë së relativitetit, megjithatë, ka vërejtur se kantonet e saj janë aq të vogla sa ato nuk mund të përballojnë të gjitha funksionet thelbësore të një shteti. Madhësia e provincës gjermane Brandenburg, megjithatë, dukej ideale për të.

Marrësi i letrës, Walther Ratenau, ishte një industrialist gjerman hebre, i cili u bë ministër i Jashtëm i Rajhut më 1922. Politikani liberal u vra të njëjtin vit nga një ekstremiste e djathtë.

Dokumenti në fjalë është pjesë e një koleksioni privat. Ai u shit për një shumë më të lartë se vlerësimi fillestar që sillej në mes të 25.000 dhe 35.000 franga.