Njoftim nga Ambasada e Republikës së Kosovës në Gjermani

Të gjithë shtetasit e Republikës së Kosovës që janë në Gjermani dhe kanë vizë Schengen apo viza të llojeve të tjera dhe u ka skaduar afati, nuk kanë nevojë të paraqiten në Ambasadën e Kosovës në Berlin apo Konsullatat tona në Berlin, Munih, Stuttgart, Frankfurt, Düsseldorf, Hamburg, transmeton albinfo.ch.

Bazuar në vendimin e Ministrisë së Punëve të Brendshme të Gjermanisë, shtetasit e Kosovës që janë në Gjermani dhe u ka skaduar apo skadon viza duhet të lajmërohen përmes E-Mail, Telefon apo edhe personalisht në Zyrat Vendore ku janë të lajmëruar në Gjermani dhe aty të bëjnë kërkesën për vazhdimin e vizës, e cila si pasojë e Covid-19 do t’u vazhdohet nga autoritetet vendore gjermane. Nëse këto Zyra vendore gjermane janë të mbyllura- nuk punojnë me palë, kërkesa duhet të bëhet me E- Mail.

Të gjithë shtetasit e regjistruar për kthim në Kosovë i lusim miqësisht të mos thërrasin dhe të lajmërohen disa herë për të njëjtën kërkesë. Listat azhurnohen rregullisht dhe përcillen në Prishtinë, prej ku edhe bëhet kthimi i organizuar.