Numërohen gati 20 për qind e votave, këta janë 10 kandidatët më të votuar të LVV-së deri më tani

Me 19.46 për qind të votave të numëruara për kandidatët për deputetë, Albin Kurti vazhdon të prijë në listën e Lëvizjes Vetëvendosje, i ndjekur nga Glauk Konjufca dhe Albulena Haxhiu.

Procesi i numërimit të votave për kandidatët për deputetë të Kuvendit të Kosovës po vazhdon në të gjithë vendin, ndërsa rezultatet preliminare po japin një pasqyrë të qartë të renditjes brenda subjekteve politike, përcjell albinfo.ch.

Sipas të dhënave të publikuara deri në orën 07:45, janë numëruar 19.46 për qind e votave për kandidatët, duke nxjerrë në pah emrat më të votuar në listën e Lëvizja Vetëvendosje.

Listës i prin Albin Kurti, i cili ka marrë numrin më të madh të votave deri në këtë fazë të numërimit. Pas tij renditet Glauk Konjufca, ndërsa vendin e tretë e mban Albulena Haxhiu.

Në mesin e kandidatëve më të votuar figurojnë edhe Hekuran Murati dhe Donika Gërvalla, të cilët renditen në pesëshen e parë sipas votave të numëruara deri më tani.

Ndërkohë, rezultatet mbeten të përkohshme dhe renditja mund të pësojë ndryshime me vazhdimin e procesit të numërimit në qendrat komunale të numërimit.

Lista e 10 kandidatëve më të votuar të LVV-së deri në numërimin e 19.46 për qind të votave mund të shihet më poshtë./Albinfo.ch

---