Numri i të vdekurve nga tërmeti shkon mbi 9,000

Keystone (IHA agency via AP)

Numri i përgjithshëm i njerëzve që kanë humbur jetën nga tërmetete në Turqi dhe Siri tani ka kaluar 9,000, përcjell albinfo.ch.

Numri i njerëzve të vdekur në Turqi është rritur në 6,957, sipas agjencisë së fatkeqësive të vendit.

Është e vështirë të verifikohet numri në Siri, por media shtetërore dhe një grup shpëtimi thonë se rreth 2500 njerëz kanë vdekur.

Numri i të vdekurve nga tërmeti shkatërrues që goditi Turqinë dhe Sirinë tani tani ka shkuar mbi 8 mijë e 764, sipas zyrtarëve.

Në Turqi, 349 vdekje të tjera u raportuan të mërkurën, duke e çuar totalin në 6,234, sipas zyrtarëve turq. Të paktën 34 mijë e 810 persona janë lënduar në Turqi, tha të martën nënpresidenti turk, Fuat Oktay.

Në Siri, 2 mijë e 530 viktima janë konfirmuar si në zonat e kontrolluara nga qeveria, ashtu edhe në rajonet e kontrolluara nga rebelët. Gjithsej 4 mijë e 654 të lënduar janë raportuar në gjithë Sirinë.

Agjencitë dhe punonjësit e shpëtimit kanë paralajmëruar se shifrat ka të ngjarë të rriten, veçanërisht në Siri, me shumë njerëz ende të bllokuar nën rrënoja.