Nxehtësia po vret turizmin malor

Ndërsa Franca hyn në valën e tretë të të nxehtit gjatë këtij sezoni veror, udhërrëfyesit malorë në rajonin alpin të Chamonix po frenojnë ngjitjet e planifikuara në Malin e Bardhë.

Ata mendojnë se aksesi po bëhet shumë i rrezikshëm për klientët për shkak të rënieve të përsëritura të shkëmbinjve të lidhura me kushtet e jashtëzakonshme klimatike dhe thatësirën aktuale.

Mungesa e borës gjatë dimrit ka lënë shtrirje të mëdha akullnajash të zhveshura. Kjo do të thotë se rrugët deri në shpatin e malit janë të ngushta dhe të pabesa.

Ndryshimi është i madh, është vërtet e frikshme të shohësh sesi po zhduket bora, shprehet Evan Warden, alpinist joprofesionist.

“Ata anuluan udhëtimin në Malin e Bardhë për shkak të motit. Unë mendoj se guidat e njohin zonën dhe i dinë kushtet. Mund ta bëjmë ngjitjen një moment të dytë”, thotë Monica një tjetër alpiniste

Nuk janë vetëm Alpet që po ngrohen, muajin e kaluar një çarje e re u shfaq në akullnajën Marmolada në Dolomitet e Italisë. Ekspertët edhe më herët kanë paralajmëruar se rritja e temperaturave është shkak kryesor i kësaj situate./Euronews