OBSH: Omicron po dyfishon rastet brenda 3 ditësh

Omicron po i dyfishon rastet e tij brenda 3 ditësh, në 89 shtetet që deri tani është verifikuar.

Sipas Organizatës Botërore të Shëndetësisë (OBSH), varianti i ri i Covid-19 po përhapet shumë shpejt edhe në vende që kanë arritur një imunitet të lartë të popullsisë, por nuk është ende e qartë nëse kjo vjen për shkak të aftësisë së tij për të shmangur imunitetin apo transmetueshmërisë më të lartë që ka në krahasim me variantet e tjera.

“Ka nevojë për më shumë të dhëna për të kuptuar rëndësinë e situatës dhe nëse vaksinat aktuale janë efikase”, thotë OBSH në përditësimin e saj të fundit për Omicron, raporton Cnn, përcjell Albinfo.ch.

OBSH ka paralajmëruar se me rritjen kaq të shpejtë të rasteve të reja, spitalet në disa shtete mund të mbingarkohen.

 

---